عمــليات التجميـل!!

[size=18]هاي شباب وبنات

اليوم حبيت اطرح موضوع غريب شوية

بس بدة ينتشر بصورة واضحة بالشرق الاوسط و بالعراق

الموضوع يتعلق بعمليات التجميل
او ما يعرف بـ plastic surgery

يعني مثلا نشوف فلان مغنية مسوية عملية لانفها او شفتها او .. او ...
ممكن نكول هذه فنانة و كلشي تسوي

بس اني دا الاحظها بدت تتحول الى حالة طبيعية بالمجتمع
و اخص بالذكر مجتمعنا العراقي


و حتى صارت عملية سهلة جدا متجاوز النص ساعة
و بأسعار مناسبة 200-300$

و كامت وحدة تغار من الثانية و تكول فلانة سوت

و مو بس هيج

الشباب ايضا ديلجئون لهاي العمليات مجرد التجميل لا اكثر ولا اقل


اريد اعرف موقفكم منها؟؟؟؟

هل اصبحت مقبولة من قبل المجتمع
هل هي مودة مثل ميقولون؟؟


و شنو رئيك بالشخص الي يجري عملية تجميل مجرد لكي يغير خلقة ربنا
او ليشبه فنان معين

و استثني من النقاش الحالات الخاصة
كأن يكون تشوه خلقي
او حادث او اي شي
__________________[/size]

اولا .... تحياااااااااااااااتي اخوية العزيز يوسف
..... بالنسبة للموضوع....هو موضوع جدا جميل وبنفس الوقت هذا هو الوقت المناسب لطرح الموضوع لان هي مودة اليوم والي جميع الناس الان تتعايش مع هذه الحالة لان لا بد ان ترى او تسمع الان عن هذه العمليات من الناس المقربين جدا او يمكن حتى شخص من افراد العائلة هذا لكثرة هذه العمليات ولجعلها قليلة التكلفه وبسيطة وسريعة جدا بحيث يطمع اي من الاشخاص لخوض هذه التجربة
واما بالنسبة لراي بالموضوع فاني محتار بالاجابة ولا اعرف اين الصح من الغلط يمكن لان فاتني القطار بالنسبة لعمري وتفكري بهيج موضوع شبه مستحيل او لاني والحمدالله كامل وما احتاج اي عملية
بس بشكل عام عزيزي يوسف لكل شخص له جوابه الخاص واما بالنسبة للوسط الفني فاني لا الوم اي شخص من ان يجري هذه التجربة لان عمله وتكامل شكل وجسم الفنان معتمد بهاي الايام على نجاح العمل يعني مصدر رزقه ان يصبح او تصبح بشكل لائق وجميل ومغري
هذا كل ما استطيع ان اقوله عن هذا الموضوع وقلت لك من البداية اني محتار بالاجابة
ملاحظة بسيطة.... لاتنسى عزيزي يوسف بالنسة للرجال وزراعة الشعر ........ تصور بين رجل ورجل اكو رجل زارع شعره... مع تحياااااااااااااااااااااتي لكم والقراء جميعااااا